[29/12/2005]/Xa xogou cinco encontros. Só cinco. No fútbol español esa non é unha boa nova. Lle impide ó profesional poder tomar parte na mesma competición con outro conxunto nun mesmo curso. É dicir, Rubén Reyes, o caso do que se fala, xa non podería xogar noutro conxunto da Segunda División que non sexa o Albacete, o seu actual conxunto, porque disputou o tope máximo de encontros. Ou troca de categoría, ou emigra a outro país ou segue padecendo a adversidade que o persigue en terras manchegas. O centrocampista zurdo comezou ben, tomou parte en cinco envites dos primeiros do curso...e despois desapareceu do mapa de Ferrando. O preparador do "queixo mecánico" non voltou a convocalo e iso tocoulle a moral ó xogador asturiano. Atado, sen opcións de participar en Segunda, estudia outras posibilidades. Non descarta baixar á 2ªB. O principal problema que podería atopar á hora de buscar outra entidade do mercado de bronce é o diñeiro. A ficha no seu actual conxunto é demasiado elevada como para ser asumida por unha entidade como o Pontevedra, que se mide sempre en térmos de austeridade para non disparar os gastos. Él restalle importancia á cuestión económica: "Se fose á 2ªB, a miña primeira opción sería o Pontevedra", asegura o interior esquerdo xixonés, home determinante no pasado curso na Segunda División na remontada granate. "Estaría disposto a realizar un esforzo. A miña ficha podería ser negociable", sinala.
Fundamentalmente, o xoven quere unha aposta de confianza na súa persoa. "Pretendo unha estabilidade e un proxecto gañador". Iso sí, tamén afirma que non pecha a porta ó fútbol europeo.


-FONTE: Diario de Pontevedra