[30/06/2006]/O Pontevedra e Nasser Hakkar consumaron onte outra das renovacións cantadas da entidade para a vindeira tempada. O mediocentro francés seguirá como membro da institutción de Pasarón por un ano máis con opción a un segundo, como xa adiantou o propio futbolista o pasado martes. O centrocampista nado en Besançon convírtese na quinta renovación dos pontevedreses de cara ao vindeiro curso, tralas renovacións xa confirmadas de Iván Parada, Bonis, Organista e Igor. Coa alta confirmada do mediocentro de contención, o conxunto granate xa ten no plantel a dezaseis xogadores: Iván, Bonis, Saizar, Ormazábal, Dumast, Luciano, Vázquez, Azparren, Organista, Fran Rico, Nasser, Rubén Reyes, Yuri, Igor, Charles e Tiago Belmonte.


Diario de Pontevedra