[30/07/2006]/Na lista de xogadores para o encontro contra o Coruxo sorprendía a presencia dun xogador chamado Cuco. Trátase dun interior dereito portugués que a pasada tempada xogou no Maia portugués e que estará a proba no Pontevedra durante a pretempada.
José Manuel Silva Moreira "Cuco", que onte lucía o dorsal 28 nas súas costas, ten 24 anos (naceu en Porto o 24-05-1982), mide 1,78 metros e pesa 72 quilos.
Onte disputou uns minutos na segunda metade aínda que pasou totalmente desapercibido, polo que as súas opcións de quedar no Pontevedra parecen mínimas. Hoxe volverá a ter outra oportunidade, xa que o Pontevedra disputa un amigable en Baltar contra o Portonovo a partir das oito do serán.