[29/08/2006]/O canteirán Fran Rico non formará parte da expedición granate que esta mesma mañá parte cara a capital de España para enfrontarse mañá ao Raio Vallecano na Copa do Rei. O mediocentro de Portonovo, que durante o ensaio matutino de onte sufriu un pequeno pinchazo ao intentar executar un lanzamento de falta, admite que "non creo que non vaia convocado por iso por que para o mércores podería estar perfectamente. Aínda así hai máis compañeiros que poden xogar e van a facelo ben". Asimesmo, e con respecto ao seu debut na nova tempada, Fran destacou que "estou moi contento porque en Ferrol puiden xogar durante os últimos cinco minutos e ante un rival directo". A pesar de que foron tan só cinco minutos os que xogou na Malata, o centrocampista granate cuaxou unha gran actuación, recibindo os eloxios dos afeccionados e tamén da prensa de Ferrol. "Os eloxios lévanse ben. A calqueira lle gusta que o eloxien aínda que tamén estou preparado para as cousas vaian mal. Mentras saia todo ben, encantado porque polo de agora todo é moi bonito".

Diario de Pontevedra