[30/08/2006]/O Pontevedra Clube de Fútbol confirmou que o gabinete xurídico do clube enviará as pertinentes alegacións á Real Federación Española de Fútbol para que lle retiren o cartón amarelo a Vázquez. O zagueiro granate viu de forma inxusta a tarxeta nos primeiros corenta e cinco minutos do encontro contra o Racing de Ferrol, tras cortar un contragolpe do conxunto departamental.
Nas imaxes televisivas do encontro pode ollarse como o central asturiano toca claramente o coiro e non comete ningunha falta ao xogador rival. Nas vindeiras horas saberemos se as alegacións enviadas polo clube surten efecto. Todo apunta a que será así.