[29/11/2006]/Sergio Organista é nova estes días polo posible interese da Unión Deportiva As Palmas en facerse cos seus servizos. Segundo apuntaron varios medios locais, o técnico e director deportivo do conxunto grancanario, Juanito, parece estar moi interesado e reforzar o mediodocampo do seu equipo co mediocentro portugués do Pontevedra CF. Polo de agora, e segundo confirmou o capitán da selección sub-21 de Portugal, non houbo ningún achegamento por parte do clube insular e él só está centrado en seguir no conxunto granate. "A min non me dixeron nada e tampouco estou preocupado. A min o que me vale é vir a adestrar, adestrar ben, preparar os partidos e xogar co Pontevedra, nada máis".
Un Organista que aínda non poderá xogar este domingo xa que deberá cumprir o segundo encontro de sanción que lle impuxo o xuíz único de competición a raíz da expulsión que sufríu contra a Ximnástica de Torrelavega no derradeiro encontro que se disputou en Pasarón.