[28/02/2007]/O Pontevedra só perde pola mínima, por 1-0. O conxunto dirixido por Alberto Argibay só cedeu cinco derrotas no que vai de campionato da regularidade e todas chegaron polo mesmo resultado.
O Atlético de Madrid B foi o último conxunto en ser capaz de superar aos pontevedreses por ese marcador. Con anterioridade, leváranse os tres puntos dese xeito fronte aos granates tres aspirantes ao play off, tres rivais directos na pelexa polas prazas de arriba. O filial é o primeiro plantel que non pertence ao grupo dos favoritos que supera ao cadro de Pasarón.
As anteriores derrotas granates producíronse fronte ao Fuenlabrada (cuarta xornada de liga en Pasarón, 0-1, única derrota na casa no que se leva disputado de tempada en tódalas competicións), o Universidade das Palmas (décima xornada, no Alfonso Silva), e Raio Vallecano (décima sexta xornada no, Teresa Rivero) e outra vez diante do Fuenlabrada (vixésima terceira xornada no ruinoso campo da Aldehuela).
Sempre por 1-0. Iso, sen embargo, non manifesta a incapacidade de reacción do bloque pontevedrés, que remontou marcadores adversos en multiplicidade de ocasións. E é que o Pontevedra estivo por detrás no marcador, ademais de nas sinaladas derrotas, contra o Talavera na terceira xornada do campionato (2-0), fronte ao Alcorcón en Santo Domingo (1-0) na décima cuarta xornada, diante do P.Jandía na décima oitava semana do curso (1-0) e outra vez perante o Talavera en Pasarón (0-1). En tódalas ocasións empatou, excepto fronte ao Pájara, que foi quen de darlle a volta ó tanteador e levar os tres puntos, ao ritmo imposto polo mago Rubén Reyes.


Diario de Pontevedra