[28/04/2007]/Coa chegada de Javi Gracia os números do Pontevedra CF melloraron sensiblemente. Co técnico navarro no banco o cadro granate non recibiu ningún gol. Nin rivais directos como o Universidade e o Puertollano, nin equipos da zona media baixa como o Ourense, a Ximnástica e o Alcorcón, foron quen de batir a Bonis, que tras máis de cinco encontros sen recibir un gol, podería mellorar este domingo ante o Sanse o record de imbatibilidade do Pontvedra CF na Segunda B, que nestes intres posúe Ituarte. De ser quen de aguantar 18 minutos coa porta a cero ante o Sanse, Bonis superaría ao gardamallas vasco e convertiríase no arqueiro granate que estivo máis minutos sen encaixar un tanto na división de bronce.
Consciente da marca que pode batir, Bonis agarda con ganas o encontro do domingo, no que espera con ilusión cumprir ese obxectivo. "Si claro, tengo ganas de jugar este partido para seguir la racha que tenemos ahora de no encajar goles y de seguir aumentado el número de partidos sin que nos marquen", afirma o meta francés, que atribúe este mérito a todo o equipo. "Con Javi Gracia defendemos más juntos, dejamos menos espacios a los delanteros y es por eso que encajo menos goles con el trabajo de todos".
Un Bonis que esta tempada está a rexistrar os seus mellores números como gardamallas e que non descarta seguir aumentando o número de encontros coa porta baleira.