[03/05/2007]/O Comité de Competición atendeu ás alegacións que enviara o Pontevedra CF debido aos defectos do acta de Tomás Bauló, colexiado que dirixiu o Sanse-Pontevedra e que lle ensinou un cartón a Baggio e outro a Filipe Machado por unhas faltas que cometeran Asier Ormazábal e Vázquez. O Comité, tras comprobar por medio de proba videográfica as accións, procedeu a retirarlle os cartóns a Baggio e Machado (que estaba ao borde da sanción, pero finalmente poderá xogar). Polo tanto, nin os dous brasileños nin Vázquez e Asier Ormazábal sumaron ningunha amarela.
Polo Raio Vallecano foron sancionados cun encontro tanto Alvaro Zazo por acumulación de amonestacións, como Diego Mainz, por ser expulsado. Amais, o defensa do Cobeña, Tomillo, foi sancionado con dous encontros, polo que non poderá xogar a vindeira xornada ante o Pontevedra.