[19/05/2007]/O luns 28 de Maio ás 17 horas. Esa é a data e a hora fixada pola Federación Española de Fútbol para que se celebre o sorteo dos play offs polo ascenso á Segunda División. Un momento no que o Pontevedra CF coñecerá cales serán os seus rivais de cara ao camiño á categoría de plata do balompé nacional.
A falta de dúas xornadas para que finalice o campionato ligueiro nos catro grupos da Segunda B, apenas catro equipos teñen garantida a súa presencia nas eliminatorias de ascenso. No Grupo I o único clasificado é o Pontevedra CF, ao que se suman o Eibar e o Real Unión do Grupo II e o Sevilla Atlético do Grupo IV. Polo demáis, todo está por decidir.