[21/05/2007]/Os xogadores do Pontevedra CF quedaron concentrados na noite deste domingo e ata este martes nun hotel de Sanxenxo, o Hotel Carlos I. A intención desta medida adoptada é a recuperación tanto física como moral de tódolos futbolistas, para que cheguen ao cento por cen aos play offs de ascenso.
Durante esta concentración, os integrantes do plantel granate levarán a cabo sesión de balneario. Para rematar esta estadía, os xogadores desplazaránse ata O Grove para soltar adrenalina xogando ao "paint ball", repetindo a experiencia doutros anos.
O mércores o equipo volverá aos adestramentos para preparar o partido ante o Orientación Marítima e como non, as eliminatorias de ascenso que darán comezo en apenas dúas semanas.