[27/05/2007]/Trala disputa da derradeira xornada de Liga este sábado, xa quedaron confirmados cales son os 16 equipos que entrarán no sorteo do play off de ascenso a Segunda División que se producirá este luns ás 16 horas. Pontevedra, Raio Vallecano, Racing de Ferrol e Universidade do Grupo I; Eibar, Burgos, Palencia e Real Unión do Grupo II; Alacante, Huesca, Alcoyano e L'Hospitalet do Grupo III; e Sevilla Atl, Linares, Racing Portuense e Córdoba son os clasificados.
Con todo isto, o Pontevedra CF xa sabe cales serán os posibles rivais para a primeira eliminatoria: Real Unión, L'Hospitalet ou Córdoba. Este luns sairemos de dúbidas.