[28/05/2007]/Este luns a partir das 16 horas celebraráse na sede da Federación Española de Fútbol o sorteo do play off de ascenso á Segunda División. 16 equipos loitarán por ascender á división de prata, entre eles o Pontevedra CF, que accede como primeiro de grupo, polo que terá o factor campo ao seu favor tanto na primeira como na segunda eliminatoria, sempre que sexa quen de xogala.
Tralo sorteo do play off, Javi Gracia e Rubén Reyes comparecerán en rolda de prensa na sede do clube a partir das 17 horas, na que darán o seu punto de vista sobre os rivais que lle toquen ao Pontevedra CF.